Ab aur kisi ko to hai bekaar deKHnaa
Deewaanaa banke soorat e dildaar dekhnaa

Aey zauq woh karta hai jab izhaar dekhnaa
Hay lutf woh kare hai jo inkaar dekhnaa

Duur se saahil pe bulaataa hai woh aakar
Kashti na meri doobe aey majhdhaar dekhnaa

KyuuN jee rahe ho saare zamaane ko dekhkar
AaKHir meiN jab usi ka hai deedaar dekhnaa

RakKHo sambhal sambhal ke qadam raah e ishq meiN
Zer e paa hai waadi e purKHaar dekhnaa

Woh haal jo sun leiN to chamak uTTHe naseebaa
MaaNgo wohi jo haal hai darkaar dekhnaa

Mahboob ke jalwoN meiN KHumaarii ajeeb hai
Rahtaa nahiN hai KHud pe akhtiyaar dekhnaa

KHaak BHi darbaar jalaa deti hai yaaroN
AKHgar bane jo aatish o aNgaar dekhnaa

KHanjar kahiN chale jo GHam e yaad e yaar kaa
Kaise na howe dil hai beqaraar dekhnaa

Hum KHaak meiN mil jaane ko taiyaar haiN dilbar
Tuu pyaar se is or to ik baar dekhnaa

Ik pardaa uTHaa dene ki deri hai Beniyaaz
Aashiq yahaaN hai tere beshumaar dekhnaa

Benawaa e Waaris ki hai yahi wiraasat
Koi luuT na le isko huuN laaCHaar dekhnaa